വൈസ് ചാന്‍സിലര്‍ നിയമനങ്ങളിലടക്കം അനഭിലഷണീയമായ നടപടികളാണ് ഉണ്ടായത്. സര്‍വകലാശാലകളുടെ തലപ്പത്ത് രാഷ്‌ട്രീയ നേതൃത്വങ്ങളെ പ്രതിഷ്ഠിക്കാനുള്ള നീക്കം നടക്കുന്നതായും അദ്ദേഹം ചൂണ്ടിക്കാട്ടി. ഓച്ചിറ 12 വിളക്കു മഹോത്സവത്തോടനുബന്ധിച്ചുള്ള വിദ്യാഭ്യാസ സമ്മേളനം ഉ​ദഘാടനം ചെയ്തു പ്രസം​ഗിക്കുകയായിരുന്നു ചെന്നിത്തല. 

ഡോ. കെ.എം. അനില്‍ മുഹമ്മദ് അധ്യക്ഷത വഹിച്ചു. വൃശ്ചിക വിളക്കിനോടനുബന്ധിച്ച് വീക്ഷണം ഒരുക്കിയിട്ടുള്ള പ്രത്യേക സ്റ്റാളും ചെന്നിത്തല സന്ദര്‍ശിച്ചു. വീക്ഷണത്തിനു പുറമേ പ്രിയദര്‍ശിനി പബ്ലിക്കേഷന്‍സിന്റെ ആയിരത്തോളം പുസ്തകങ്ങള്‍ ഇവിടെ പ്രദര്‍ശനത്തിനും വില്പനയ്ക്കുമായി ഒരുക്കിയിട്ടുണ്ട്. 

വായനയുടെ വൈവിധ്യ തലങ്ങള്‍ സമ്മാനിക്കുന്ന പ്രിയദര്‍ശനി പുസ്തകങ്ങള്‍ വേറിട്ട വായനാനുഭവം നല്‍കുമെന്നും ചെന്നിത്തല അഭിപ്രായപ്പെട്ടു.