LATEST NEWS

മൊബൈൽ വിൽപ്പനയിൽ ആമസോണിനും ഫ്ലിപ്പ്കാർട്ടിനും കടിഞ്ഞാണിടണം: മോദിക്ക് കത്ത്, നിയന്ത്രണം ഉടൻ?
മൊബൈൽ വിൽപ്പനയിൽ ആമസോണിനും ഫ്ലിപ്പ്കാർട്ടിനും കടിഞ്ഞാണിടണം: മോദിക്ക് കത്ത്, നിയന്ത്രണം ഉടൻ?

മൊബൈൽ വിൽപ്പനയിൽ ആമസോണിനും ഫ്ലിപ്പ്കാർട്ടിനും കടിഞ്ഞാണിടണം: മോദിക്ക് കത്ത്, നിയന്ത്രണം ഉടൻ?

Posted By Raju| 08 Mar 2021 0 Comments |208 Views |Courtesy

ദില്ലി: ഇന്ത്യയിലെ ഓൺലൈൻ മൊബൈൽ ഫോൺ വില്പനയിൽ ആമസോണിനും ഫ്ലിപ്കാർട്ടിനും കടിഞ്ഞാണിടണമെന്നാവശ്യപ്പെട്ട് മൊബൈൽ കടയുടമകൾ രംഗത്ത്. ഇതോടെ ഇന്ത്യൻ ഓൺലൈൻ വിപണിയിലെ രണ്ട് അതികായർക്കും നിയന്ത്രണങ്ങളേർപ്പെടുത്തിയേക്കുമെന്നാണ് പുറത്തുവരുന്ന റിപ്പോർട്ട്.

പ്രതിദിനം വിൽക്കാവുന്ന പരമാവധി ഫോണുകളുടെ എണ്ണത്തിൽ ഇവർക്ക് നിയന്ത്രണം ഏർപ്പെടുത്തണമെന്നാവശ്യപ്പെട്ട് രാജ്യത്തെ ഒന്നര ലക്ഷം കട ഉടമകളാണ് പ്രധാനമന്ത്രി നരേന്ദ്രമോദിക്ക് പരാതി നൽകിയത്. ഇതിൻ്റെ അടിസ്ഥാനത്തിൽ ഓൺലൈൻ മൊബൈൽ വിൽപ്പനയ്ക്ക് നിയന്ത്രണം ഏർപ്പെടുത്തിയേക്കുമെന്നാണ് റിപ്പോർട്ടുകൾ പറയുന്നത്.

നിയന്ത്രണം അനിവാര്യം.

 രാജ്യത്തെ വിദേശ നിക്ഷേപ ചട്ടങ്ങൾ മറികടക്കുന്നതിനായി ഇവർ വർഷങ്ങളായി ഇന്ത്യയിലെ ഒരു ചെറിയൊരു സംഘം വിൽപ്പനക്കാർക്ക് മുൻഗണന നൽകുകയാണെന്നും കട ഉടമകൾ കത്തിൽ ആരോപിക്കുന്നു. ഓൺലൈൻ വെബ്സൈറ്റുകള്‍ ഇന്ത്യയിൽ വിപണനം നടത്തുന്നത് ശരിയായ രീതിയിലല്ലെന്നും അതുകൊണ്ട് തന്നെ പരാതിയുടെ അടിസ്ഥാനത്തിൽ അന്വേഷണം നടത്താനും അതുവരെ ഇവരുടെ ഇന്ത്യയിലെ വിപണനം നിയന്ത്രിക്കുന്നതിനുള്ള നടപടി സ്വീകരിക്കണമെന്നും ഇവർ ആവശ്യപ്പെടുന്നു.

മൊബൈൽ വിൽപ്പനയിൽ ആധിപത്യം.

 ആമസോണിലെ 400000ലധികം ഇന്ത്യൻ വിൽപ്പനക്കാരിൽ 35ഓളം പേരാണ് 2019ൽ ഇന്ത്യയിലെ ആകെ മൊബൈൽ വില്പനയുടെ മൂന്നിൽ രണ്ടും നടത്തിയിരുന്നത്. അതുകൊണ്ട് തന്നെ ഒരു ദിവസം ഒരു വിൽപ്പനക്കാരന് വിൽക്കാവുന്ന മൊബൈൽ പരിധി പരമാവധി അഞ്ച് ലക്ഷം രൂപ വരെയായി നിജപ്പെടുത്തണമെന്നാണ് ഇവരുന്നയിക്കുന്ന ആവശ്യം.അതേ സമയം ഈ വിഷയത്തിൽ കേന്ദ്രസർക്കാരോ ഫ്ലിപ്കാർട്ടോ ആമസോണോ ഇതുവരെയും പ്രതികരിച്ചിട്ടില്ല.


LATEST NEWS
MOST READ IN 7 DAYS

Search Heare

Begin typing your search above and press return to search.